das beisl der vorhergehenden session wurde wieder aufgesucht.
diesmal - frau lernt ja - mit notizblock unter der iaxn. irgendwie fragt sich frau kelef ja schon, wozu man sie im alter von 16 in die handelsschule geschickt hat statt in die tanzschule, zwegener der erlernung von steno und maschinschreiben. wahrscheinlich war das billiger, und frau kelef wollte das nicht: tanzschule zahlte sie dann selber, nachhilfestunden sei dank.

und auf der uni - welcher spass- durfte sie das noch einmal wiederholen, das mit steno und maschinklopfen.

steno: nie wieder gebraucht. tippen: immer gerne, auch blind - das hat was.

jedenfalls: in der zwischenzeit hat gott der herr in seiner unendlichen weisheit, um-, nach- oder voraussicht (wählen sie sich doch eins) die diktaphone wachsen lassen für die besonders dummen. aber ich schweife ab. in meinem alter schreibt man mit.

heast, impfm suattast de scho lossn.

warum?

wöi, wonst noch thailand foahst ...

deppata, i fliag do. des foarna dauat z'long.

no, eh. owah. impfm. de hom duatnan kronkheitna, de kennan de doktan goa net.

scho.

wos?

de kennan de.

owa behondln, de kronkheitn, des kennans net.

sicha scho. do kriagst an antebeotika in oasch, donn bist wieda da oide.

sicha?

jo. de kennan des, de doktan. de duat iwahauptn. de mochn sogoa olle klinischn priefungan fia de amis. host des net gwusst?

na.

i sog das. duatnan frogt kana. do kriagt da dokta de probnan in de hond druckt, und donn schreibt dea wos auf de zettln, de eahm de industrie in die hond druckt, und donn zöht des.

öfe?

na, in echt. de glaum des. de san so deppat, in da farmaindustrie, und soweso olle gauna, denen is des wuascht. de zettln vakaufns donn noch amerika, und mir in östarreich kriagn donn de giftign puavaln.

na, echt?

host des net glesen von nigeria?

do samma oba scho weit weg, von duatn?

jo. owa net weit gna von ameriga. des is nechana.

na, echt?

i sog da des.

wonnst as sogst. amerika is nechena ois nigeria. na guat.

owa drutzdem: wia is des mitnan impfn. nutzt des wos?

geng wos?

no, so gengan de kronkheitnan gengan de dos wos ma impfnan duat. zeckn, malarea, fiawa, so sochnan hoit. und hepadidis - de soi jo a ned gsund sei.

des is ollas a schmäh. von da industrie. von da farmaindustrie. in asien lehm no so vui leit, wonn de kronkheidn olle gfehrlich wahratn, wahratn de scho olle ausgschtuam.

do konnst owa scho recht hom.

wia ko ma se do iewahaupt ohschteckn?

na, bei de weiwa.

a so a schaas.

wia - aso. a so a sch... . blede g'schicht.

waast wos? do foa i ned noch thailond. do bleiw i daham und r... ma an owe oda geh in p... . do brauch i ned amoi an gummi, und is impfn is a unnedich.

i kennt jo a zu meina oidn geh. owa de is so schiach. und kewwelt ollewoi. in thailond vaschteh i ned wos de oida redt, owa se schaut freindlich aus dabei.

wengan de schlitzaugnan.

wuascht. wos de oide sogt is ma eh wuascht. do wia duatnan. und wengan fimf minutn soll i me impfn lossn? bleiw i liawa do.

___


dann war der notizzettel zu ende. aber frau kelef weiss jetzt endlich, was männer zu hause hält oder nach thailand treibt. den rest wollten wir alle nicht wissen.

frau kelef geht fremd, also: nicht zum jimmy ins beisl am eck, sondern unterwegs in ein bislang unbekanntes beisl. und wie sie so mit der kleinen wauwau alleine an einem tisch sitzt, da sitzen am nachbartisch ein paar: nennen wir sie einmal y-chromosomen-träger. weil männer oder herren oder sowas waren die alle nicht. aber nun ja. dafür waren aber alle älteren semesters, hatten zuhause wahrscheinlich nix zu sagen, und da waren die jetzt am meinungs- und erfahrungsaustausch dass es eine freude war.

de hände, de san scho praktesch.

jo. scho.

do konnst ollawäu üwaroi telefoniern.

jo. scho. owa nua wonnst an empfong host. sunst net.

owa sunst scho. des woa friara ondascht. do host zum telefonian a telefon braucht.

dafia homma jetzt de hände. do brauch ma ka telefon mea.

de hände san scho praktisch.

jetzt kennan de scho fotografiean a.

des kennan de scho long. lebst du aufn mond?

na, i waass eh, des kennan de scho long. praktisch. owa a polaroid woa a praktisch, do hot ma a a büdl kriegt, bein fotografiern.

owa de neichn hände de kennen gons vüle sochn. do konnst telefoniern, fotografiern, schreim, und schickn. de san praktisch, so hände.

owa de neichn, de nimma. des san jo kane hände mea, des san mehr so plottn, kwasi.

jo, des san jetzn so plottn. de komma nimma eischteckn.

wo?

na, in de hosntoschna. wo hostn leicht du dei
hände?

in hemmad.

und in summa? wäu do ziag i a leiwal o, des hot kane toschn.

geh, a leiwal, in dein oita!

heast, i bin drei joa jinga ois wia du, do konn i in summa a leiwal trogn.

weng de drei joa?

a leiwal muass mei oide net biagln. wengan wossa, wasst eh.

in leiwal?

na, in de fiass. oiso, in de fiass von meina oidn.

und wos hot des jetzna mit da gress von hände zum tuan?

na, wäu i wü wieda a so a hände wia i ghobt hob, a klaans, wia a telefon hoit ans owa ohne hera, wia a hände hoit ans, dos is in de hosntoschn steckn ko. des konn i mit so ana plottn net.

owa de neichn hände de wos plottn san, de kennan a ins intanet, hot mei bua gsogt.

mei bua sogt des a.

manst, des stimmt?

no heast, wonn mei bua des sogt!

und meine sogt des jo a!

oiso, des stimmt? de plottna kennan ins intanet?

jo, de grossn, de plottna, de kennan ins intanet, wäu wonn denan eanare buam des sogn, donn stimmt des.

konnst scho recht hom.

und wäu des so gross is, konn mas net in de hosntoschn steckn.

wos is so gross? des intanetz?

jo, des eh a. owa de plottna, de wos jetzt de neichn hände san, de erscht recht. vü z'gross fia a hemad- oda a hosntoschn. und ois nua wengan den intanet. zu wos des ana dauand braucht, kennd sie do eh kana mea aus, wonn des so gross is, des intanet.

gestern waren frau pixy und frau kelef bei einer präsentation im bunten hund, also nämlich dort:
http://www.bunterhund-wien.at.

und ebendaselbst hat monica weinzettl - jawoll, die schauspielerin, kabarettistin und überhaupt allroundfrau - ein paar ihrer neuen alten möbel präsentiert, und zwar aus der "hundekollektion" ihrer http://www.kastlwerkstatt.at, und ich kann ihnen sagen, die arbeit, die die frau da reinsteckt in das aufmotzen alter, zerschrammter, zerbeulter koffer und kastln und solcherlei mehr, die ist ihr geld wert. ich hab ja selber schon alte möbel hergerichtet, und weiss was da dahintersteckt was man dann doch nicht sieht. erstklassige ausführung, jedes teil ein unikat und schmuckstück für sich, und sorgfältig gearbeitet ohne das jeweilige teil in seinen grundfesten zu erschüttern. vielfach wurde probegelegen von grossen und kleinen hunden, und die eine hund meinte dann, super, da steh ich gar nicht mehr auf.

wollte ich nur erwähnt haben für den fall, dass jemand gerade ein wenig zu viel geld hat und unbedingt ein exklusives, einzigartiges und dekoratives hundeschlafplatzdingens sucht.

eines der exponate hat mich ja besonders bestochen: mit einer schublade oben, da könnte man auch noch die katzen reintun. war aber gleich verkauft, vermutlich aus gründen.

für animal care austria wurde auch ein wenig gesammelt und gespendet, und es waren fast so viele hunde da wie menschen, und alle haben sich vertragen.

tolle idee, tolle arbeiten, und ein toller abend. man muss ja manchmal auch freude haben im leben. vielleicht folgen ja noch ein paar bilder.

und demnächst geht es weiter mit einer neuen geschichte zum thema "hausverwaltung".